VOV4.Xơ Đăng - Hâi lơ 9/9, a pơlê kong kân Đà Nẵng, Kŏng đoân viên chưk Việt Nam, Tổng liên đoân pêi cheăng Việt Nam tơrŭm ƀă Khu xiâm pơkuâ kăn ƀô̆ tơkŭm po tơpui tơno ‘’Mơnhông mơdêk hnoăng dêi Kŏng đoân tung tơdroăng pêi pro Tơdroăng pơ’lêh pơkuâ tơdroăng cheăng tơnêi têa hneăng hơnăm 2021 – 2030’’.

Tâi tâng roh hnê mơhno ƀă Tơpui tơno mơnhông hnoăng dêi Kŏng đoân tung tơdroăng pơhlêh pơkuâ tơdroăng cheăng Tơnêi têa

A roh tơpui tơno, mâu kăn teăng mâ tơkŭm tơpui tơno ‘na hnoăng, hnoăng dêi khu pú hên Kŏng đoân tung tơdroăng pêi pro Tơdroăng pơ’lêh pơkuâ tơdroăng cheăng Tơnêi têa; Kŏng đoân veăng ƀă séa ngăn tơdroăng pêi pro pơ’lêh pơkuâ tơdroăng cheăng; Hnoăng dêi khu pú hên Kŏng đoân tung pơtâng tối, mơdêk hlê plĕng pêi pro tơdroăng pơ’lêh pơkuâ tơdroăng cheăng; Troăng pêi mơdêk châ tơƀrê tơrŭm pơla khu tơrŭm cheăng Kŏng đoân ƀă mâu tíu cheăng vâ rah xo mâu tơdroăng xiâm, troăng pêi pơtâng tối ‘na pơ’lêh pơkuâ tơdroăng cheăng tiô troăng ki tơxâng, châ tơƀrê, tro mơngế.

A Sa Ly tơplôu ƀă tơbleăng