VOV4.Xơ Đăng - Kơxo lơ 18/8, a cheăm hngế hngo Ea Sol, tơring  Ea Hleo, kong pơlê Dak Lak, po “hâi leh Tâi tâng kuăn pơlê kring vế tơniăn tơnêi têa hơnăm 2022’’. veăng leh ƀă tối tơbleăng a rôh leh, pôa Nguyễn Trọng Nghiã - Kăn hnê ngăn Tíu xiâm Đảng, Ngế pơkuâ tơdroăng kal kí xiâm tơnêi têa tơmâng xo ƀă khĕn kơdeăn mâu hnoăng ki Đảng ƀô̆, mâu kăn ƀă kuăn pơlê cheăm Ea Sol tối krê xuân môi tiah kong pơlê Dak Lak tối tơchoâm hiăng châ pêi pro tung hơnăm hdrối. 

Pôa Nguyễn Trọng Nghĩa hbru tơmeăm ăm rơpŏng kơ tiê ai hnoăng tơnêi têa a cheăm Ea Sol

Pakĭng mê, pơkâ thế râ Đảng mâu kăn rêm râ dêi kong pơlê Dak Lak pơtối pêi tro tâ nếo, tơ-brê mâu hlá mơ-éa chêh hnê mơhno dêi Đảng ƀă Tơnêi têa ƀă hnê tơ-brê dêi Khu xiâm kŏng an tung tơdroăng mơhnhôk “Tâi tâng kuăn pơlê kring vế tơnêi têa. Pakĭng , pin thế đi đo ‘mâi mơnhông ƀă pơtối rak vế hnoăng cheăng mâu krâ pơlê, mâu ngế kuăn pơlê pâ nhoăm tung hdroâng kuăn ngo, ƀă kuăn pơlê ki tiô khôp, mâu lêng ki xiâm dêi khu tơrŭm cheăng kal kí ƀă tâi tâng kuăn pơlê veăng pêi pro tơdroăng mơhnhôk tâi tâng kuăn pơlê kring vế Tơnêi têa.

Gương tơplôu ƀă tơbleăng