Kơxê hâi lơ 17/5, a tíu pêi cheăng Xiâm Đảng, jâ Trương Thị Mai, Ngế cheăng tung khu xiâm kal kí, Ngế pơkuâ khu kăn hnê hnê ngăn Đảng, hiăng tơdah trâm mâ Khu kăn xiâm dêi Vi ƀan Kring tơniăn tung măng dêi Cuba xua pôa Gerardo Hernandez Nordelo, Ngế cheăng tung tíu xiâm Đảng Kŏng san Cuba, Ngế cheăng tung khu kăn Hô̆i đông Tơnêi têa Kŏng hòa Cuba, Kăn xiâm hnê ngăn Vi ƀan Kring tơniăn tơdroăng tung măng dêi Cuba, Ngế xiâm pơkuâ djâ mâu kăn lăm pêi cheăng a Việt Nam.

Pakĭng mê, jâ Trương Thị Mai tối, Đảng, Tơnêi têa ƀă kuăn pơlê Việt Nam đi đo achê ƀă dêi rơpó, ƀă púi vâ tơrŭm krá tâ nếo tơdroăng ki môi tuăn dêi rơpó, tơrŭm pơla péa Đảng, Tơnêi têa ƀă kuăn pơlê Cuƀa nhŏng o, djâ tơrŭm péa tơnêi têa ôh tá la lâi pơtê, rế mơnhông rế tro tung mâu hơnăm la ngiâ.

Pôa Gerardo Hernandez Nordelo tối tơdroăng tơrŭm môi tuăn, hmâ ƀă dêi rơpó ƀă mơnê kơ kuăn pơlê Cuba ƀă troăng rơhlâ mơhno ki khên tơnôu dêi kuăn pơlê Việt Nam tung tơplâ pro tơbleăng lĕm hdroâng mơngế ƀă tơdroăng  mơnhông mơdêk nôkố.