VOV4.Xơ Đăng - Kơxo lơ 30/8 a hngêi hôp kân Thống Nhất, Pơlê kong kân Hồ Chí Minh, pôa Phạm Minh Chính, Ngế pro xiâm hnê ngăn tơnêi têa hiăng trâm mâ khĕn kơdeăn mâu khu tơrŭm ngăn ‘na loi tĭng, tiô khôp ai veăng ‘no hnoăng tung tơdroăng mơjiâng ƀă kring vế tơnêi têa. Việt Nam cho môi tơnêi têa ai hên ngế loi tĭng tiô khôp ai 43 khu ngăn ‘na loi tĭng, tiô khôp dêi 16 tơdroăng loi tĭng tiô khôp ki hiăng châ tơnêi têa mơnhên ƀă ăm hlá mơ-éa phêp chêh inâi chiâng tơkŭm xối tĭng; lối 26,5 rơtuh ngế tiô khôp, châ lối 27% kơxô̆ pơ’leăng mâ mơngế tung lâp tơnêi têa.

Ngế pro xiâm hnê ngăn Chin phuh khĕn kơdeăn mâu khu tơrŭm loi tĭng tiô khôp veăng ‘no ivá tung tơdroăng mơjiâng kring vế tơnêi têa

A rôh hôp hên mâu kăn cho mâu ƀok, hiăng tối mâu tơdroăng tơná tơmiât tơbleăng tá tuăn mơno púi vâ ƀă hnoăng cheăng pêi, ƀă tơdroăng mơjiâng vâ tơbleăng pêi pơxúa khât, tơ-brê tâ tiô troăng rơhlâ, luât pơkâ ‘na loi tĭng, tiô khôp, tơdroăng ‘na loi tĭng ‘na cheăng kal kí dêi Đảng, Tơnêi têa tung la ngiâ. Tơbleăng a hneăng hôp, pôa Phạm Minh Chính tối, Đảng, Tơnêi têa pin đi đo tơmâng pêi pro tro luât pơkâ nhoăm ƀă rak tơniăn hnoăng pơkuâ tơniăn loi tĭng, tiô khôp dêi kuăn pơlê.

Tung la ngiâ, Ngế pro xiâm hnê ngăn tơnêi têa pơkâ thế; Kăn hnê ngăn mâu khu tơrŭm ‘na loi tĭng pơtối hnê mơhnhôk ăm mâu ƀok, yah mâu khu ngăn ‘na tơdroăng khôp rak vế pêi pro tro tiô troăng rơhlâ dêi Đảng, luât tơnêi têa. Pơtối rak luât khôp rơtế ƀă hdroâng mơngế. “Mâi mơnhông tơrŭm môi tuăn hdroâng  mơngế, môi tuăn loi tĭng, tiô khôp.

Gương tơplôu ƀă tơbleăng