VOV4.Xơ Đăng - Ngế pro xiâm hnê ngăn Chin phuh nếo ai rôh pêi cheăng ƀă kăn ƀô̆ xiâm, mâu ki rơkê, khu cheăng Khoa hok dêi Học viện hnê pêi chiâk deăng Việt Nam. Tơbleăng a rôh pêi cheăng ăm hlo, mâu hơnăm hdrối, Học viên hiăng hnê ăm tơnêi têa ƀă mâu kong têa pú lối 120 rơpâu kih sư ƀă kăn ƀô̆ rak ngăn ki hriâm troh đăi hok , lối 10 rơpâu ngế thak sih ƀă lối  600 ngế tiê̆n sih.

Ngế pro xiâm hnê ngăn tơnêi têa tối tơbleăng a rôh pêi cheăng

Kố châ ngăn cho xiâm mơngế rơkê ki kal tung kơvâ ngăn ‘na chiâk deăng. Tơbleăng a rôh pêi cheăng, pôa Phạm Minh Chính, Ngế pro xiâm hnê ngăn tơnêi têa tối nhên, Học viện thế hnê kơtăng mâu Pơkâ xiâm tơnêi têa má 5 ‘na pêi chiâk deăng, thôn pơlê, kuăn pơlê pêi chiâk; ‘na cheăng kâ pú hên ƀă ‘na tơnêi tơníu xuân môi tiah Pơkâ ‘na pơ’lêh nếo tâi tâng tơdroăng hnê hriâm.

Ngế pro xiâm hnê ngăn tơnêi têa pơkâ thế, Hok viê̆n kal thế séa ngăn troăng rơhlâ dêi Đảng, tơnêi têa ‘na mơnhông mơdêk pêi chiâk, thôn pơlê vâ pêi cheăng tơ-brê hnoăng cheăng hnê mơngế pêi cheăng vâ pơxúa tung mơnhông mơdêk pêi chiâk deăng ƀă mơjiâng thôn pơlê.

Gương tơplôu ƀă tơbleăng