VOV4.Xơ Đăng - Kơxê lơ 13/9, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơpui tơno ƀă pôa Samdech Heng Samrin, kăn xiâm hnê ngăn Kuô̆k hô̆i Kul dế ối pôu pêi cheăng a Việt Nam. A rôh tơdah, péa ngế kăn xiâm pơkuâ tối phiu ro khât ‘na tơdroăng ki mơnhông tơniăn tơrŭm cheăng pơla Việt Nam – Kul.

‘Na túa tơmiât mơdêk tơrŭm cheăng pơla péa tơnêi têa tung la ngiâ, péa ngế kăn xiâm pơkuâ môi tuăn rak vế trâm mâ, tơpui tơno ăm dêi rơpó mâu tơdroăng tung tâi tâng mâu tíu tơbleăng vâ ôh tá la lâi pơtê ‘mâi mơnhông tơrŭm cheăng kal kí loi tơngah; mâu kơ koan mơjiâng luât ƀă pêi pro luât péa tơnêi têa pơtối mơdêk hnoăng cheăng tơrŭm cheăng.

Ngế pro xiâm hnê ngăn Chin phuh Phạm Minh Chính tơpui tơno ƀă kăn xiâm hnê ngăn Kuô̆k hô̆i Kul

Tơpui tơno ‘na tơrŭm hên kơvâ cheăng, péa ngế kăn xiâm pơkuâ péa pâ pơtối tơrŭm, tŏng kum dêi rơpó a mâu rôh hôp lâp plâi tơnêi ƀă tung kơpong. Pôa Phạm Minh Chính tối nhên, Việt Nam môi tuăn ƀă loi tơngah Kul kô rak vế pôu râng ƀlêi chiâng hnoăng cheăng Kăn xiâm hnê ngăn ASEAN ƀă AIPA hơnăm 2022.

Katarina Nga tơplôu ƀă tơbleăng