Ngế pro xiâm hnê ngăn Chin phuh nếo ai pơkâ thăm kơdĭng on tơhrik hneăng hơnăm 2023 – 2025 ƀă mâu hơnăm pơtối. Pơtối mê, Ngế pro xiâm hnê ngăn Chin phuh pơkâ tung hneăng kố, mâu kong têa thế mơ-eăm rêm hơnăm kơdĭng ki vâ iâ 2% tâi tâng on tơhrik ki xúa; kơdroh tro lŭp on tơhrik tâi tâng pá kơdâm 6% a hơnăm 2025. Mơ-eăm troh hơnăm 2030 ai 50% mâu hngêi kơ koan tơnêi têa ƀă 50% kuăn pơlê xúa on tơhrik kơtâu ƀă mâ hâi a kuâ hngêi mơjiâng pro xêh on tơhrik, xúa xêh.

Troh hơnăm 2025, tâi tâng on trâ bâ eăng drô troăng kân kơphô̆ xúa on LED. Vâ châ tơƀrê kố, Ngế pro xiâm hnê ngăn tơnêi têa pơkâ mâu khu pú hên, ngế krê kơtăng, pêi pro kơtăng pêi pro tơdroăng kơdĭng on tơhrik. Ki nhên, mâu khu xiâm, kơ koan râ xiâm, kơ koan ối tung Chin phuh, Vi ƀan kuăn pơlê mâu kong pơlê, pơlê kong kơdrâm ối tung tơnêi têa, mâu khu tê mơdró ƀă mâu khu pú hên khu râ – pơlê pơla pêi pro troăng kơdĭng on tơhrik.