VOV4.Xơ Đăng - Kơxê lơ 23/9, Ngế pro xiâm hnê ngăn Chin phuh pơkuâ hneăng hôp tơpui “Mơnhông mơdêk kơchơ tê mơdró khoa hok ƀă kơmăi kơmok tơdâng tơ’mô, pêi pơxúa tơƀrê, tiô túa nếo nôkố ƀă hlối tơrŭm’’. Hneăng hôp po tiô tơdroăng trâm mâ angiâ ƀă mơ’no tơdrêng tiô troăng hyôh Internet troh 63 to kong pơlê, pơlê kong kơdrâm.

Hneăng hôp tối tơdroăng, ki hlo tro, mâu tơdroăng hâi tro, tơvâ tơvân, tơdroăng pá, pơloăng mơnúa, ing mê ‘nâi nhên troăng rơhlâ, tơdroăng pơkâ pêi, troăng rơhlâ vâ tơkŭm pêi, vâ pêi tro tâ tơdroăng ‘na khoa hok kơmăi kơmok.

Rơtâ tá hneăng hôp

Tơbleăng a rôh hôp, Ngế pro xiâm hnê ngăn tơnei têa tối nhên: Mơnhông mơdêk tơdroăng cheăng ƀă khoa hok kơmăi kơmok thế xo tơdroăng tí tăng ‘nâi plĕng ‘na khoa hok cho ki xiâm, khu cheăng khoa hok cho xiâm mâu mơhnhôk, khu mơdró cho ki xiâm, tơtro ƀă tơdroăng cheăng pêi rôh má pŭn, ƀă tơrŭm cheăng kâ lâp plâi tơnêi; kal thế ai luât pơkâ tơdâng tơ’mô, tơtro, tơdâng ƀă tơdroăng mơnhông mơdêk dêi kơchơ tê mơdró, tơdroăng tê mơdró, pêi cheăng ƀă liăn ngân; rơtế ƀă tơdroăng tê mơdró tung tơnêi têa ƀă tung lâp plâi tơnêi ƀă tung kơpong, tơtro ƀă tơdroăng tơhrâ dêi lâp plâi tơnêi dêi Việt Nam ƀă tiah hmâ dêi lâp plâi tơnêi.

Gương tơplôu ƀă tơbleăng