Mâu tơdroăng veăng hnê tối a rôh hôp môi tuăn vâ, rêm râ, kơvâ cheăng, kong pơlê hiăng tơkŭm po ăm kuăn Pơlê tơdah Têt sôk ro, tơniăn, kơdĭng, ai tuăn pâ, tơniăn ôh ti lôi ngế ki lâi ôh tá châ kâ Têt, pro ăm hơniâp ro tung mâu hâi Têt pơxiâm mot hơnăm nếo. Ƀă tơdroăng  “Kâ Têt iâ, ‘nâi kơdĭng, rĕng pêi cheăng, pêi hlối”, tơdroăng hôp tối nhên pơkâ tơbleăng pêi tơdrêng, tơƀrê mâu tơdroăng cheăng hiăng châ Kuô̆k hô̆i, Chin phuh tơbleăng; mơdêk pêi cheăng tê mơdró pơkuâ luât liăn ngân, mơdêk troăng hơlâ ‘no liăn pêi cheăng, ‘mâi hơ’lêh luât pêi cheăng, tơkâ luâ tơdroăng ôh tá tŭm mơngế pêi cheăng, kum kuăn pơlê ai cheăng pêi tơniăn, mơ-eăm pêi châ tâk 2026 sap ing 10% tơngi klêng.

Ngế pro xiâm hnê ngăn tơnêi têa tối, kâ Têt tung mâu tơdroăng, kơdroh xía vâ a troăng prôk, kơdroh tŭm pái tơdroăng, tơdroăng khăm pơlât, hnê tung hlá tơbeăng ai hên ki pơ’lêh. ‘Na hnoăng cheăng pêi hơnăm 2026, Ngế pro xiâm hnê ngăn tơnêi têa pơkâ thế tơkŭm tơniăn cheăng kâ kân, mơdât liăn ôh tá kơnâ yă, mơnhông pơ’lêh kơxô̆ ƀă pêi cheăng lĕm, mơnhông ki tơƀrê cheăng kâ, ‘mâi hơ’lêh rêh ối dêi Kuăn pơlê, rak tơniăn cheăng lêng, kring vế tơniăn tơkăng kong, hnoăng pơkuâ dêi tơnêi têa.