Rôh hôp Chin phuh Hàn Quốc tơrŭm ƀă Khu ngăn pơkeăng ƀă khăm pơlât lâp plâi tơnêi WHO tơkŭm po vâ tối tơbleăng mâu túa tơmiât, mâu troăng pêi pro ƀă kơmăi nếo tung kơvâ kơmăi kơmok vaccine ƀă y sinh. Tung ƀai pơchuât dêi tơná, pôa Phạm Minh Chính, Ngế pro xiâm hnê ngăn tơnêi têa tối nhên, pơreăng kân COVID-19 ai mâ ƀă xông tâ tú hiăng tơdjâk rơ-iêo, tung tâi tâng troh mâu kong têa tung lâp plâi tơnêi.

Ngế pro xiâm hnê ngăn tơnêi têa Phạm Minh Chính tơpui a rôh hôp

Tung rôh hbrâ mơdât pơreăng kân pơla hdrối nah, pin rế hlo nhên ki kal tơviah dêi vaccine. Việt Nam hiăng pêi pro mâu troăng hơlâ hbrâ mơdât pơreăng, tung mê, Việt Nam hiăng tơbleăng ƀlêi chiâng tơdroăng tơpui kâ ‘na vaccine ƀă tơdroăng ki pâk vaccine tê kơtê hên má môi sap ing nah troh nôkố. Ngế pro xiâm hnê ngăn tơnêi têa tối nhên, Việt Nam cho kong têa ki tơrŭm cheăng kơhnâ, pôu râng dêi hnoăng ƀă mâu kong têa tung lâp plâi tơnêi, Việt Nam tơhrâ tơrŭm krá tơniăn, tơƀrê tung hriăn ngăn, bro mơjiâng, hnê tối cheăng kơmăi kơmok, veăng kum rak tơniăn tơdroăng ki kum vaccine ƀă mâu kế tơmeăm xúa tung khăm pơlât tung lâp plâi tơnêi.