Ngế pro xiâm hnê ngăn tơnêi têa pơkâ Khu xiâm mơjiâng pro tơmeăm khoăng, Kŏng ti xiâm tơraih tơƀai Việt Nam ƀă mâu tíu cheăng ki tơdjâk séa ngăn tâi tâng tơdroăng mơjiâng pro, thăm pơtroh mơngế mơjiâng pro, kơmăi kơmok, tơkŭm po mơjiâng pro “3 xoh, 4 khu cheăng tung môi hâi măng’’ vâ tơniăn tơdroăng hiăng pơkâ mơ’no. Mơnhên tơdroăng ki mơ-eăm dêi mâu khu ki mơjiâng pro drêng pá puât ‘na tơmeăm mơjiâng pro, Ngế pro xiâm hnê ngăn tơnêi têa tối nhên kố cho tơmeăm khoăng ki xiâm tơnêi têa, kal pơtối mơdêk ki dâi lĕm ƀă ki châ tơƀrê tung xúa.

Ngế pro xiâm hnê ngăn tơnêi têa hâk ro tơdroăng kêi đeăng Tíu xiâm pơkuâ tơƀai kơneăng; troăng hdrâp chu ƀă plông hdrâp chu; hngêi ăm tơmối tơkôm vâ to. Rơtế ƀă tơdroăng pơkâ séa ngăn tơdjâk troh tơmeăm mơjiâng pro, têa châu têa kơxăng, Ngế pro xiâm hnê ngăn tơnêi têa xuân pơkâ mâu khu xiâm, kơvâ cheăng ki tơdjâk troh tơmeăm mơjiâng pro, têa châu têa kơxăng, Ngế pro xiâm hnê ngăn tơnêi têa xuân pơkâ thế mâu khu xiâm, kơvâ cheăng ki ai tơdjâk mâu tơdroăng tơkêa bro pơtối pêi pro tơdroăng mơjiâng pro Tơdroăng tơkêa bro 3 Tơraih tơƀai Lâp plâi tơnêi Long Thành.