Tíu xiâm R&D ki nếo dêi Samsung a Hà Nội châ pơxiâm mơjiâng pro a khế 3/2020, tung kơpong tơnêi rơdâ 11 rơpâu 600m2, mê cho hngêi kân xŏn 16 râ ki hlo bâ ƀă 3 râ kloh, tâi tâng kơxô̆ liăn ‘no mơjiâng pro 220 rơtuh dollars. Tíu xiâm xiâm R&D dêi Samsung a Hà Nội cho Tíu xiâm R&D ki kân má môi Đông Nam Á ƀă cho môi tung 18 tíu xiâm R&D dêi Samsung tung lâp plâi tơnêi. A Tíu xiâm R&D Hà Nội, Samsung tối kô tí tăng ‘nâi plĕng ƀă mơdêk phôn râng kŏng ki rơkê, kơmăi tính bảng, phần cứng ƀă phần mềm, tơ’mot dâng 3.000 ngế mot pêi cheăng.

Tối tơbleăng a rôh po leh, pôa Phạm Minh Chính, Ngế pro xiâm hnê ngăn Chin phuh tối nhên. tíu xiâm R&D Samsung pêi cheăng ah cho ki xiâm vâ Samsung pêi pro pơ’lêh tơƀrê mâu pơkâ mơnhông mơdêk; cho ki vâ mơhno ăm hlo mâu troăng rơhlâ, luât pơkâ ki tro dêi Đảng, Tơnêi têa Việt Nam tung tơdroăng krếo tăng ƀă tơ’mot khu ‘no liăn cheăng pêi ‘na khoa hok kŏng ngê̆, pơ’lêh nếo hriĕn plĕng túa ki nếo, mơdêk pêi cheăng ƀă kŏng ngê̆ ki dâi lĕm.

Pôa Phạm Minh Chính pơkâ thế mâu kơ koan xiâm tơnêi têa ƀă C mâu kăn pơlê kong kân pơtối kơjo kum ƀă pro tơ’lêi hlâu ăm mâu khu ‘no liăn cheăng  dêi kong têa ê, tung mê ai Grup Samsung ‘no liăn cheăng tê mơdró tơƀrê ƀă ton ta ah a Việt Nam.

*** Xuân tung kơxo lơ 23/12, pôa Phạm Minh Chính, Ngế pro xiâm hnê ngăn Chin phuh hiăng tơdah pôa Lee Jae Yong, Kăn xiâm hnê ngăn Grup pơkuâ Samsung Kăn hnê ngăn Samsung. A roh trâm mâ, Ngế pro xiâm hnê ngăn tơnêi kheăn kơdeăn tơdroăng mơ-eăm dêi Samsung tung tơdroăng kêi đeăng Tíu xiâm R&D, mơnê mâu tơdroăng veăng kum dêi Samsung ƀă Việt Nam ƀă hnoăng cheăng cho khu tê mơdró FDI kân má môi, tối plĕng nhên ƀă Samsung ‘na mâu tơdroăng pá puât, tung pơla pơreăng COVID-19, rơkâu châ tơƀrê Samsung châ tơƀrê tŭm têk tâ mê nếo a Việt Nam.

Ngế pro xiâm hnê ngăn tơnêi têa xuân pơkâ thế kŏng ti mơdêk hên tung tơnêi têa, ki kơnâ mơjiâng tơmeăm a Việt Nam, kơdroh rôe ing kong têa ê. Kăn hnê ngăn Samsung mơnhên kô thăm pêi pro mâu tơdroăng xiâm ki Ngế pro xiâm hnê ngăn Chin phuh hiăng pơkuâ hnê mơhno; thăm pêi pro rơdêi hnê mơjiâng, mơjiâng mơngế pêi cheăng kô tơxâng tơdroăng pêi cheăng lâp tơnêi têa ƀă tơrŭm cheăng ƀă peăng Việt Nam vâ mơdêk tâ mê nếo kơxô̆ tơmeăm tung tơnêi têa tá phần cứng ƀă phần mềm.