VOV4.Xơ Đăng - Kơxê lơ 30/9, a Hà Nội, pôa Manuel Marrero Cruz, Ngế pro xiâm hnê ngăn Kŏng hoà Cuba tơdah Khu tơrŭm tơroâ Việt Nam – Cuba ƀă Khu tơrŭm mâu khu tơrŭm tơroâ Việt Nam drêng rôh lăm pôu păng ‘nâng Việt Nam. Tiah mê, tung tâi tâng mâu rôh trâm mâ, kăn pơkuâ péa tơnêi têa, ƀă hiâm mơno môi tuăn, loi tơngah, đi đo mơdêk hnoăng cheăng ƀă tơdroăng tơrŭm péa hdroâng mơngế, tơhrâ pơtối mơdêk rơdêi tâ nếo tơrŭm cheăng.

Kăn hnê ngăn Khu tơrŭm tơroâ Việt Nam – Cuba pôa Vũ Hải Hà diâp tơmeăm

Pôa Manuel Marrero Cruz ăm ‘nâi, maluâ dế trâm hên tơdroăng pơloăng mơnúa môi tiah mâu tơdroăng ki xơpá ó khât, pơreăng kân COVID-19 tâ tú, la Cuba xuân ối mơ-eăm ‘mâi mơnhông ƀă mơnhông cheăng kâ. Tơpui a rôh tơdah, Kăn pơkuâ Vi ƀan tơpui kâ dêi Kuô̆k hô̆i, Kăn hnê ngăn Khu tơrŭm tơroâ Việt Nam – Cuba, Kăn hnê ngăn Khu tơrŭm Kuô̆k hô̆i Việt Nam – Cuba  pôa Vũ Hải Hà loi tơngah, xua tơdroăng pơkuâ dêi Đảng Kŏng san Cuba, kuăn pơlê Cuba nhŏng o kô pêi pro ƀlêi chiâng tơdroăng ki tí tăng ‘nâi tơdroăng hơ’lêh túa cheăng kâ rêh ối pơlê pơla, xah hô̆i chuh ngiah ƀă tơdroăng pơkâ mơjiâng tơnêi têa hnoăng pơkuâ, rak tơniăn krê, xah hô̆i chuh ngiah, tơniăn krê, kro mơdrŏng ƀă krá tơniăn.

VOV/Tơplôu: Katarina Nga