Tiô rơkong krếo thế dêi pôa Phạm Minh Chính, Ngế pro xiâm hnê ngăn Chin phuh, pôa Anthony Albanese - Ngế pro xiâm hnê ngăn kong têa Australia lăm pôu Việt Nam sap hâi lơ 3 - 4/06/2023. Kô cho hneăng lăm pôu Việt Nam ki apoăng dêi pôa Anthony Albanese drêng to pro Ngế pro xiâm hnê ngăn kong têa Australia.

Việt Nam ƀă Australia mơjiâng tơrŭm cheăng tơpui kâ kơtăn kố 50 hơnăm, a khế 2/1973. Luâ pơtăm chât hơnăm, tơdroăng tơrŭm cheăng pơla péa tơnêi têa hiăng mơnhông tơƀrê, malối sap ing chiâng kong têa tơrŭm cheăng ƀă dêi rơpó kơtăn kố 5 hơnăm. Hneăng lăm pôu Việt Nam rôh kố dêi Ngế pro xiâm hnê ngăn kong têa Australia cho hneăng lăm pôu  Việt Nam ki apoăng dêi pôa drêng to Ngế pro xiâm hnê ngăn kong têa Australia ƀă cho hneăng lăm pôu Việt Nam rôh má pái dêi Ngế pro xiâm hnê ngăn kong têa Australia.

Pôa Nguyễn Tất Thành, Kăn teăng mâ Việt Nam a Australia tối, hneăng lăm pôu drêng kố ăm hlo Công đảng dêi pôa Albanese - Ngế pro xiâm hnê ngăn kong têa ‘ló nhoăm ƀă vâ mơdêk tơrŭm cheăng ƀă Việt Nam.