VOV4.Xơ Đăng - Tung rôh lăm pôu kân krip a tơnêi têa pin, kơxo lơ 30/9 a Hà Nội, pôa Manuel Marrero Cruz, Ngế pro xiâm hnê ngăn kong têa Cuba prế pôa Lê Minh Khái, Ngế pro xiâm phŏ hnê ngăn tơnêi têa pin hiăng troh veăng pơkuâ hneăng hôp tơpui mơdêk tơdroăng tê mơdró pơla Việt Nam - Cuba. A hneăng hôp, Ngế pro xiâm hnê ngăn kong têa Cuba tối nhên, Cuba dế tung pơla pơ’lêh rơdêi vâ pêi pro mâu tơdroăng ‘mâi mơnhông ƀă mơdêk, ing tơdroăng tơrŭm tiô hmâ ki lĕm pơla péa tơnêi têa; Chin phuh Cuba kô kum pêi ahdrối, pro tơ’lêi hlâu vâ khu mơdró Việt Nam ai hên a Cuna.

Ngế pro xiâm hnê ngăn kong têa Cuba prế pôa Lê Minh Khái, Ngế pro xiâm phŏ hnê ngăn tơnêi têa pin veăng hôp pơla Việt Nam-Cuba

A hneăng hôp ai hên khu mơdró 2 tơnêi têa hiăng tơmâng Ngế xiâm tơpui kâ ƀă Khu ‘no liăn cheăng kong têa ê dêi Cuba pôa Rodrigo Malmierca Díaz tơbleăng ‘na troăng rơhlâ luât pơkâ tŏng kum tơ’mot khu ‘no liăn cheăng kong têa ê a Cuba ƀă Ngế xiâm pơkuâ ƀơrô Đặc Khu Mơnhông mơdêk Mariel AnaTeresa Igarza Martinez tơbleăng ‘na luât tŏng kum pêi ahdrối tơ’mot ‘no liăn cheăng ing kong têa ê a Kơpong Mariel ƀă cho rôh tơrŭm cheăng tê mơdró pơla 2 tơnêi têa.

VOV/Tơplôu: Gương