A rôh hôp, Chin phuh séa ngăn tơdroăng tơkêa Luât ki ‘mâi rơnêu, ‘mot tơ’nôm mâu tơdroăng dêi Luât Kŏng an kuăn pơlê ƀă pơkâ thế mơjiâng mâu luât: Luât ki ‘âi hơ’lêh, ‘mot tơ’nôm Luât Mâu khu tơrŭm ăm mung liăn; Luât căn cước kuăn pơlê ki ‘mâi hơ’lêh; Luât cheăng kơmăi kring vế tơnêi têa, luât kring gak ƀă mơhnôk xúa kơmăi kơmok; Luât Công nghiệp kŏng ngê̆ kơxô̆; Luât Pơkâ kơphô̆ ƀă thôn pơlê.

Pôa Phạm Minh Chính ăm ‘nâi, mơjiâng luât, pêi klêi troăng hơlâ cho môi tung pái tơdroăng ki kal tung la ngiâ, cho ki kal kơjo kum châ Chin phuh tơkŭm ‘no liăn, pơkâ kơtăng tơkŭm pêi pro. Hơnăm 2022, Chin phuh tơkŭm po 9 roh hôp ki kal ‘na mơjiâng luât, troăng hơlâ, ăm rơkong veăng tơpui tối, tơbleăng ƀă 40 tơdroăng tơkêa, pơkâ thế mơjiâng luât, kơxô̆ rôh po hôp, tơdroăng tơkêa, pơkâ thế luât hên má môi tung mâu hơnăm hdrối.