Ngế pro xiâm hnê ngăn tơnêi têa  tối, tung lâp plâi tơnêi hiăng ai “tơdroăng cheăng kâ pôk’’ cho cheăng kâ tơdjâk troh mâu hơnăm hiăng krâ- dế chiâng môi troăng hơlâ mơnhông tơƀrê dêi kuăn mơngế. Rêm hơnăm lâp plâi tơnêi ai 58 rơtuh ngế pơxiâm mot tung khu hơnăm hiăng krâ. A Việt Nam ki rế tâk kơxô̆ mơngế hơnăm hiăng krâ rế rĕng. Riên troh khế 3/2023 lâp tơnêi têa ai vâ chê 17 rơtuh ngế hơnăm hiăng krâ, ki khât mê  mơhno ăm tơdroăng pơloăng mơnúa, cho rôh tơ’lêi ƀă  cho tơdroăng mơ-eăm pơ’lêh nếo túa pêi cheăng tâk krá tơniăn dêi tơnêi têa.

Ngế pro xiâm hnê ngăn tơnêi têa ăm ‘nâi Tíu xiâm dế mơjiâng tơdroăng tơkêa bro mơnhông “cheăng kâ pôk, cheăng kâ pơxúa ăm mâu hơnăm hiăng krâ a Việt Nam vâ mơdêk ki pơxúa, tơƀrê tung rêh ối ăm mâu hơnăm hiăng krâ ƀă pơtối rak ki xiâm ing mâu hơnăm hiăng krâ veăng ‘no tung mơnhông cheăng kâ-pơlê pơla Ƀă pơkâ nôkố, Ngế pro xiâm hnê ngăn tơnêi têa tối kal môi tuăn hlê nhên troăng hơlâ dêi mâu hơnăm hiăng krâ ôh tá tê pôu hngăm mê ối cho xiâm ki kơnía vâ mơnhông tơnêi têa.