VOV4.Xơ Đăng - Kơxê lơ 28/9, pôa Phạm Minh Chính, Ngế pro xiâm hnê ngăn tơnêi têa tơdah pôa Charles Kaye, Kăn xiâm pơkuâ lâp plâi tơnêi Kơxô̆ liăn mơ’no cheăng Warburg Pincus (Mih). Ngế pro xiâm hnê ngăn tơnêi têa kheăn kơdeăn tơrŭm cheăng tŭm têk Việt Nam – Mih pơtối mơnhông mơdêk; tê mơdró pơla péa pâ pơtối rak ki mơnhông mơdêk lĕm, châ vâ chê 87 rơtal dollars tung 8 khế apoăng hơnăm 2022, tâk dâng 20% tâng pơchông ƀă roh kố hơnăm 2021. Mih pơtối cho kong têa ki Việt Nam tê tơmeăm hên má môi, tơdrêng amê Việt Nam chiâng khu tơrŭm tê mơdró kân má 9 dêi Mih tung lâp plâi tơnêi ƀă cho khu tơrŭm cheăng kân má môi a ASEAN.

Ngế pro xiâm hnê ngăn tơnêi têa tơdah Kăn xiâm pơkuâ lâp plâi tơnêi Kơxô̆ liăn mơ’no cheăng Warburg Pincus

Ngế pro xiâm hnê ngăn tơnêi têa pâ thế Warburg Pincus ƀă hên khu ki rôe tơmeăm tung lâp plâi tơnêi pơtối cho kông tơdjêp vâ djâ mâu khu mơ’no liăn cheăng kong têa Mih tối krê ƀă kong têa ê tối tơdjuôm troh mơ’no liăn cheăng a Việt Nam; tơdrêng amê, pơtối po rơdâ, mơjiâng tơ’nôm mâu kơvâ cheăng kâ tê mơdró nếo, ki má lối cho tung kơvâ hrik chuâ têa châu, têa kơxăng, hyôh on gas ki vêh pro, mơnhông mơdêk kơvâ kơmăi kơmok mơjiâng pro têa châu têa kơxăng, hyôh gas ki vêh pro ƀă thăm veăng tơpui hnê tối, hnê mơhno troăng hơlâ ƀă peăng Việt Nam.

VOV/Tơplôu: A Sa Ly