Kơ’nâi 1 hơnăm tơbleăng tơdroăng tơkêa bro kơxô̆ 06 ƀă hôp mơgêi tơdroăng cheăng dêi Vi ƀan Tơnêi têa ‘na pơ’lêh kơxô̆ hiăng châ ‘nâi hên tơdroăng ki kal, tơƀrê, hlê plĕng ‘na pơ’lêh kơxô̆ dêi tơnêi têa pơtối hlê tơƀrê, ai veăng hnê tối lâp lu a rêm râ, kơvâ cheăng, mâu kong pơlê, malối cho mơngế ki ối a ko; tơdroăng pêi tro tiô luât, luât pơkâ, luât tŏng kum, pro tơdroăng cheăng tro tiô luât ăm ‘na tơdroăng pơ’lêh kơxô̆ châ tơmâng hnê mơhno, ai tiô tơdroăng púi vâ 100% khu xiâm, kơ koan tơdâng khu xiâm, kong pơlê hiăng pơkâ tơdroăng pêi, tơdroăng tơkêa pro hơ’lêh kơxô̆ pơla 5 hơnăm.

Malối, Khu xiâm kŏng an hiăng kơhnâ tơbleăng tơdroăng cheăng dêi tơnêi têa ‘na pơ’leăng mâ mơngế. Tối tơbleăng a hneăng hôp, teăng mâ kăn xiâm Đảng Chin phuh, pôa Phạm Minh Chính khĕn kơdeăn mâu tơdroăng ki mơ-eăm ƀă hiăng châ pêi pro dêi mâu khu xiâm, kơvâ cheăng, kong pơlê; Ngế pro xiâm hnê ngăn tơnêi têa ăm ‘nâi hơnăm 2023 tiô tối hdrối rôh, tơ’lêi hlâu ƀă xơpá pơloăng mơnúa tơvât ƀă, la xơpá, pơloăng mơnúa hên tâ, kân tâ. Hnoăng cheăng hơ’lêh kơxô̆ dêi tơnêi têa ó khât, kal thế pin pơkâ mơ-eăm pêi pro kơtăng khât.