A rôh hôp, mâu tơdroăng hnê tối pâ thế tung tơdroăng tơ’noăng tơkŭm pêi châ tơƀrê tơdroăng mơnhông cheăng kâ - pơlê pơla rêm hơnăm ƀă Pơkâ 5 hơnăm (2026-2030) tiô Pơkâ hneăng hôp mâu kăn tung lâp tơnêi têa rôh má 15 dêi Đảng, tơdroăng dêi Kuô̆k hô̆i, Chin phuh; Tơ’noăng klêi, pê klêi luâ pơkâ mâu tơmeăm khoăng  mơjiâng pro, cheăng kâ tung kơpong, cheăng kâ a têa kơxĭ … Ing mê, mâu pơkâ tơ‘noăng troh hơ năm 2030, mê cho: ki tâk tâi tâng tơmeăm pê lo tung tơnêi têa riân pơla hơnăm 2026-2030 sap 10% hơnăm tơngi klêng; GDP riân rêm ngê troh hơnăm 2030 châ dâng 8.500 USD.

Tối mơgêi rôh hôp, pôa Lê Minh Hưng vâ ƀă mâu tơdroăng veăng hnê tối ƀă tối tiah kố tơdroăng mơhnhôk tơ’noăng rơtế ƀă tơdroăng hnê mơhno, tuăn vâ, pêi tiô Pơkâ hneăng hôp kân Đảng tung lâp tơnêi têa rôh má 14 ai pơkâ, mê cho pơkâ tâk 2 kơxô̆ la thế krá kak hlối rơtế ƀă mơnhông rêh ối kuăn pơlê; tơdroăng khĕn kơdeăn thế ‘ló, tro ƀă teăm tơdrêng. Ngế pro xiâm hnê ngăn Chin phuh pơkâ thế tâi tâng mâu kơvâ cheăng, rêm râ thế mơ-eăm, pê klêi tơdroăng cheăng; thế xo ki tơbrê pro loăng rêk vê hdró.