VOV4.Xơ Đăng - Ngế pro xiâm hnê ngăn Chin phuh pơkâ pêi pro kheăn hôu ăm pơtê cheăng pôa Võ Ngọc Thành, Kăn hnê ngăn kong pơlê Gia Lai ƀă kheăn tối mâu Kăn phŏ hnê ngăn kong pơlê: Đỗ Tiến Đông, Hồ Phước Thành, Kpă Thuyên ƀă pôa Nguyễn Đức Hoàng, cho mâu Kăn phŏ hnê ngăn Vi ƀan kong pơlê.

Pôa Phạm Bình Minh, Ngế pro xiâm phŏ hnê mơhno má môi Chin phuh hiăng kĭ tơbleăng Pơkâ dêi Ngế pro xiâm hnê ngăn Chin phuh pơkâ pêi pro kheăn hôu ăm pơtê cheăng Kăn hnê ngăn Vi ƀan kong pơlê Gia Lai hneăng hơnăm 2021 – 2026, ƀă xut tah hnoăng Kăn hnê ngăn Vi ƀan kong pơlê Gia Lai hneăng hơnăm 2016 – 2021 ƀă pôa Võ Ngọc Thành xua hiăng ai mâu tơdroăng pro xôi, ai pro xôi tung pêi cheăng ƀă Khu pơkuâ hnê ngăn cheăng Đảng hiăng pêi pro kheăn hôu ‘na Đảng.

Pôa Võ Ngọc Thành (Hlá tơbeăng Gia Lai)

Khu pơkuâ hnê ngăn cheăng Đảng kheăn tối Khu pơkuâ Đảng Vi ƀan kong pơlê Gia Lai hneăng hơnăm 2016 – 2021; Kheăn hôu Khu pơkuâ Đảng Vi ƀan kong pơlê Gia Lai hneăng hơnăm 2021 – 2026. Hdrối mê, a hneăng hôp má 18 tơkŭm po hâi lơ 10 ƀă 11/8/2022, Vi ƀan séa ngăn Tơnêi têa hiăng pơkâ kheăn hôu ƀă mâu ngế krê pro xôi tơdjâk tơdroăng tơkêa bro plông xah golf Đắk Đoa a kong pơlê Gia Lai.

A Sa Ly tơplôu ƀă tơbleăng