.VOV4.Xơ Đăng - Mơnhên tơbleăng dêi Kŏng thông tin điên tưh Chin phuh ‘na tơdroăng tơpui tơno ‘’Mâu troăng vâ rak tơniăn tơdroăng ôh tá bê pơkeăng, tơmeăm khăm pơlât’’, pôa Phạm Minh Chính, Ngế pro xiâm hnê ngăn tơnêi têa ai tơpui hnê mơhno môi tiah kơ’nâi kố: Ngế pôu râng hnoăng Ngế xiâm pơkuâ ngăn pơkeăng ƀă khăm pơlât hriăn plĕng, séa ngăn pâ thế dêi mâu ngế rơkê a hlá mơ-éa tơbleăng tơdroăng châ tơƀrê roh tơpui tơno vâ hnê mơhno pêi pro mâu troăng tơtro, teăm tơdrêng rak tơniăn tơdroăng ôh tá ăm ai ti bê pơkeăng, tơmeăm khăm pơlât a mâu tíu khăm pơlât.

Vâ rak tơniăn tơdroăng ôh tá bê pơkeăng, tơmeăm khăm pơlât, ahdrối thế mơnhên kơlo, tơdroăng ôh tá bê pơkeăng a rêm râ, Tơnêi têa, hngêi pơkeăng kong pơlê, tơring, tíu xiâm khăm pơlât, mơnhên xiâm kối ôh tá bê pơkeăng dêi rêm tíu cheăng.

Khu xiâm pơkuâ ngăn pơkeăng ƀă khăm pơlât thâ ‘mâi rơnêu ƀă rĕng tơbleăng ăm pêi pro mâu hlá mơ-éa hnê mơhno há yă rôe, mơ-éa hnê mơhno kĭ rôe pơkeăng, yă pơkeăng, hnê mơhno rôe kơmăi kơmok, tơmeăm khăm pơlât, tung mê ai tơmeăm khăm pơlât.

A Sa Ly tơplôu ƀă tơbleăng