VOV4.Xơ Đăng - Kơhâi dế hâi lơ 29/8 a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh tơdah pôa Alok Sharma, Ngế xiâm pơkuâ, Kăn hnê ngăn COP26 ƀă Khu kăn ki pêi dêi hnoăng cheăng dêi kong têa Ănglê lăm pôu ƀă pêi cheăng a Việt Nam. A rôh tơdah, péa pâ rơtế mơnhên tối tơdroăng ki kong prâi pro hơ’lêh rế hía rế pá vâ ‘nâi hdrối, xơpá vâ tối pơtâng tung lâp plâi tơnêi, xua mê, kal ai hiâm mơno tơrŭm kong têa ƀă túa ki châ achê ƀă lâp plâi tơnêi vâ hbrâ ví ƀă kong prâi pro hơ’lêh.

Pôa Phạm Minh Chính, Ngế pro xiâm hnê ngăn Chin phuh tơdah pôa Alok Sharma, ngế xiâm pơkuâ, kăn hnê ngăn COP25

Ƀă hiâm mơno tơbleăng kơtăng mâu tơdroăng tơhrâ a COP26, Việt Nam hiăng kĭ pơkâ tơdroăng tung la ngiâ tơnêi têa ‘na Kong prâi pro hơ’lêh hneăng hơnăm troh 2050; Tơdroăng ki pêi pro ‘na hơ’lêh on tơhrik ngiât; Túa pêi pro tơnêi têa ‘na mơdêk ngiât hneăng hơnăm 2021 – 2030. Ngế pro xiâm hnê ngăn Chin phuh pơkâ thế kong têa Ănglê ƀă mâu kong têa ki tơrŭm cheăng mơnhông tung pơla tơpui tơno mơjiâng tơrŭm cheăng hơ’lêh on tơhrik tơdâng tơ’mô kal tŏng kum Việt Nam ‘na kơmăi kơmok ƀă liăn ngân.Pakĭng mơnhông mâu ngế cheăng, pêi klêi tơdroăng pơkâ ƀă tơdroăng ki tơbleăng ki rơkê plĕng ăm dêi rơpó.

Katarina Nga tơplôu ƀă tơbleăng