A rôh trâm mâ, Ngế pro xiâm hnê ngăn tơnêi têa rơkâu mâu khoa hok, mâu ngế rơkê, mâu ngế cheăng rak ngăn ‘na kơvâ pơkeăng pơlât, mâu ngế cheăng pơlât ngăn mâu tamo, ƀok thái pơkeăng, thái pơkeăng 20 chư chêh: Rak tro tơdroăng ki lĕm - Krá tơniăn tung pêi cheăng pơlât - mơdêk ki rơkê plĕng vâ rơkê tâ nếo - tơkâ luâ  tơdroăng pá - tâi tâng xua kuăn pơlê’’ ƀă pâ thế “Kơvâ ngăn pơkeăng pôi tá lôi rôh ki hlâu vâ gum pơlât mâu ngế châi ta mo mơhé vâ kŭn kĭn”. 

Ngế pro xiâm hnê ngăn tơnêi têa tối nhên, Thái pơkeăng Việt Nam lơ 27/2 cho rôh ki kal vâ Chin phuh ƀă tâi tâng tơbâ tơdroăng ki lĕm tro troh mâu rơxông ƀok thái pơkeăng, mâu ngế rơkê, mâu ngế cheăng khoa hok, mâu ngế cheăng rak ngăn ƀă mâu kăn ƀô̆ mơngế pêi cheăng ‘na khăm pơlât mâu ki châi tamo xua hiăng ai hnoăng veăng ‘no kân kĭn, krá kak ƀă rơhĭng ôh ta pơ’lok ăm tơdroăng cheăng rak ngăn, pơlât, ƀă kring vế mơdêk mo lĕm ăm ivá kuăn pơlê cho hnoăng cheăng pêi kal kí má môi, rak hnoăng cheăng kơjo pêi ahdrối tung mâu tơdroăng pêi pro, luât pơkâ mơnhông; cho hnoăng cheăng pêi dêi tá khu cheăng kal kí, tâi tâng pơlê pơla ƀă rêm ngế kuăn pơlê.

Mot tung chal nếo mơnhông tơƀrê nếo dêi tơnêi têa, ƀă tơdroăng pơkâ ôh tá la lâi pơtê mơdêk ivá mo lĕm tá ‘na châ ƀă tuăn ngôa, rêh ton, tơdroăng rêh ối lĕm dêi mơngế Việt Nam, Ngế pro xiâm hnê ngăn tơnêi têa pơkâ thế pơtối pê klêi luât pơkâ, luât tŏng gum ƀă tơbleăng pêi tơƀrê mâu pơkâ dêi luât ‘na pơkeăng pơlât; tơkŭm mơdêk pêi cheăng rơkê, malối cho ‘na pơkeăng hbrâ mơdât pơreăng, a hngêi pơkeăng cheăm bêng, pơtối rak ki rơdêi y học cổ truyền.

Rah iâ mơngế pêi cheăng la pêi rơhéa, tơƀrê, tơniăn tơrŭm  pơla rêm râ ki rơkê. Pê klêi hnoăng cheăng pêi, tơkŭm tăng mâu ngế pêi cheăng ngăn pơkeăng cheăm.