VOV4.Xơ Đăng - Kơxo lơ 14/9, a Hà Nội, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp mơnhên ngăn tơdroăng pơkâ tâi tâng dêi tơnêi têa pơla hơnăm 2021 - 2030, hnoăng cheăng pêi troh hơnăm 2050. Tơbleăng hnê mơhno a hneăng hôp, pôa Phạm Minh Chính tối nhên, tơdroăng pơkâ ai pơxúa kal khât. Pơkâ hdró tâi tâng dêi tơnêi têa mê cho kal khât păng ‘nâng, mê cho troăng hơlâ hneăng hôp kân roh má 13 dêi Đảng, pơ’lêh nếo Luât pơkâ mơjiâng tơnêi têa tung rơxông mơjiâng chuh ngiah xah hô̆i, mâu pơkâ kơvâ cheăng dêi Tíu xiâm, malối Pơkâ hneăng Hôp roh má 13 dêi Đảng.

Ngế pro xiâm hnê ngăn tơnêi têa pơkuâ hneăng hôp mơnhên pơkâ tâi tâng dêi Tơnêi têa

Mê cho rôh apoăng, Việt Nam pêi pro tiô pơkâ râ tơnêi têa vâ tối nhên tơdroăng ki hlo nôkố ăm gá tro khât, tâi tâng, ing mê vâ pâ thế mơhno troăng prôk, nếo xing xoăng tơdroăng cheăng mơnhông tơnêi têa, po troăng mơnhôngmơdêk nếo, rôh ki vâ mơnhông mơdêk nếo, cho xiâm vâ mơnhông mơdêk ai tiô pơkâ, púi vâ ki tơdroăng Pơkâ hneăng hôp má 13 dêi Đảng hiăng mơnhên, troh hơnăm 2045 chiâng tơnêi têa mơnhông tơ-brê, pêi lo liăn hên.

Gương tơplôu ƀă tơbleăng