Kơxê lơ 11/6, pôa Phạm Minh Chính, Ngế pro xiâm hnê ngăn Chin phuh hiăng troh kong pơlê Quảng Ninh vâ séa ngăn tơdroăng mơjiâng pro ƀă mơ’no ăm on tơhrik a Kŏng ti mơjiâng pro on tơhrik Mông Dương; Kŏng ti tơlo liăn mơjiâng pro on tơhrik Quảng Ninh ƀă tơdroăng mơjiâng pro, chiâ xo kơchâ ăm mâu hngêi kơmăi mơjiâng pro on tơhrik a Kŏng ti tơlo liăn pro kơchâ Hà Tu.

Séa ngăn mâu tơdroăng mơjiâng pro ƀă diâp kơxuô tơmeăm, mơhnhôk kăn ƀô̆, kŏng nhân Hngêi kơmăi mơjiâng pro on tơhrik  Mông Dương, pôa Phạm Minh Chính, Ngế pro xiâm hnê ngăn Chin phuh pơkâ Kŏng ti xo vế túa ki rơkê tơtro tung hnê mơhno, pơkuâ ƀă xúa kơmăi kơmok, tơmeăm khoăng, hngêi kơmăi; ôh tá tot môi hdroh pro tơrôu mê thế chôa ‘lâng lôi ai tơdroăng ki tơ’nhê; pơkâ mâu tíu cheăng pêi lĕm tro tơdroăng tối hdrối ƀă hbrâ mâu tơmeăm vâ rak, tơniăn ăm hngêi kơmăi kơtâu tro ivá, tơniăn tơdroăng mơjiâng pro, pêi cheăng.

Ki rơhêng vâ tối, Hngêi kơmăi thế pơtối pro ăm lĕm ƀă xúa kih thuât tung mơjiâng pro on tơhrik, tơdrêng amê xúa châ tơƀrê tiô pơkâ vâ pơkuâ, xúa kơmăi kơmok ƀă troăng tơniăn tơdroăng kal tiô pơkâ rế hía rế hôm tâ.