Ngế pro xiâm hnê ngăn tơnêi têa tơdah Ngế pơkuâ Tíu xiâm Mơnhông mơdêk ngiât lĕm lâp plâi tơnêi
Thứ sáu, 05:00, 18/04/2025
Tơplôu: Gương/VOV
Tơplôu: Gương/VOV
VOV.Xơ Đăng - Kơxo hâi lơ 17/4, pakĭng hneăng hôp mâu kăn xiâm Hneăng hôp Tơrŭm xua Mơnhông mơdêk ngiât lĕm ƀă pơkâ Tung lâp plâi tơnêi hơnăm 2030 rôh má pŭn, pôa Phạm Minh Chính, ngế pro xiâm hnê ngăn tơnêi têa hiăng tơdah pôa Sang-hyup Kim, Ngế pơkuâ Tíu xiâm Mơnhông ngiât lĕm lâp plâi tơnêi (GGGI).
Ngế pro xiâm hnê ngăn tơnêi têa khĕn kơdeăn hnoăng cheăng dêi GGGI tung mơhnhôk tăng troăng Mơnhông tơƀrê Ngiât lĕm ƀă pro lĕm hyôh kong prâi tung lâp plâi tơnêi. Pơla hơnăm 2017-2024, Khu xiâm hiăng veăng kum kih thuât ăm 15 kơ koan Việt Nam tung kơvâ cheăng mê cho: ‘na on tơhrik ki ‘mâi pro, pêi chiâk hmâ ƀă hyôh kong prâi hơ’lêh...
Ngế pro xiâm hnê ngăn tơnêi têa mơnê Tíu xiâm Mơnhôk ngiât lĕm tung lâp plâi tơnêi hiăng troh a Việt Nam tung plâ 10 hơnăm hdrối, ƀă tơhrâ ‘no 1 rơtal dollars tung la ngiâ. Pôa Sang-hyup Kim, Ngế pơkuâ xiâm GGGI tối púi vâ po rơdâ tơrŭm cheăng ƀă Việt Nam, mơnhông tê phĭu liăn ki lĕm ƀă pơkâ thế rĕng kĭ tơhrâ tơrŭm cheăng ki nếo, mơdêk veăng kơjo kum mơngế pêi cheăng ăm ƀơrô GGGI a Việt Nam.
Viết bình luận