Ing mê, tiô tối hdrối klêi tơ’mot ƀă Bình Định, kong pơlê kal ai dâng 1.000 toăng hngêi ối công vụ, hâi teăm riân ‘na khô̆i Đảng ƀă Hô̆i đong kuăn pơlê. Nôkố, Gia Lai bú ai môi khu hngêi ối công vụ a pơlê kong kơdrâm Pleiku, mơjiâng pro sap hơnăm 2025 ƀă 12 veăng ối, tung mê ai 6 veăng dế lôi tá ai kơbố ối.

Mơngế kal vâ ối  tiô tối hdrối: 3 to biệt thự Hngêi kân lĕm, 509 to hngêi ki achê dêi rơpó ƀă dâng 500 toăng hngêi chung cư.  Khu xiâm mơjiâng hngêi trăng pâ thế pơ’lêh luât Hngêi ối vâ po rơdâ ăm mâu ngế châ mung ối hngêi công vụ, mê tá mâu kăn ƀô̆ ki ôh tá pơ’lêh lăm pêi cheăng  la khŏm thế pơthế pơ’lêh tíu ối. Tiô tơdroăng tơ’mot, dâng 2.000 ngế kăn ƀô̆ kô lăm pêi cheăng a tíu pêi cheăng ki nếo a Quy Nhơn, xua mê, pro klêi luât pơkâ ‘na hngêi ối công vụ  cho tơdroăng kal pêi tơdrêng.

Tiô tơdroăng tơkêa bro tơ’mot tơdjuôm, kong pơlê Gia Lai ai vâ chê 2.000 ngế kăn ƀô̆, kŏng chưk, viên chưk lăm pêi cheăng a tíu ki nếo a pơlê kong kơdrâm Quy Nhơn, Bình Định vâ  pêi cheăng.