A Tíu xiâm Hneăng hôp tơnêi têa, Hà Nội, Pôa Phạm Minh Chính, Ngế pro xiâm hnê ngăn tơnêi têa pơkuâ roh hôp tâi tâng Hneăng hôp tơpui tơno khu râ kăn xiâm tiah hmâ rêm hơnăm ‘na kơmăi kơmok 4.0 hơnăm 2023 ƀă pêi pro Pơkâ kơxô̆ 29 ‘na pêi cheăng xúa kơmăi kơmok, tiô rơxông nếo ƀă dó inâi ‘’thăm pêi pro tơdroăng hơ’lêh xúa kŏng ngê̆, hơ’lêh pêi cheăng krúa lĕm kong prâi mơjiâng ki châ tơƀrê pro ‘nâng ‘nâi tơdroăng pêi cheăng xúa kơmăi kơmok, tiô rơxông nếo tơnêi têa troh hơnăm 2030, tơmiât pêi troh hơnăm 2045’’.

Xông tơpui a hneăng hôp, pôa Phạm Minh Chính, Ngế pro xiâm hnê ngăn Chin phuh tối nhên, tơdroăng ki kâi trâng ƀă mơdêk dêi rêm kong têa tung rơxông pêi cheăng xúa kŏng ngê̆ ƀă lâp tơnêi têa pêi cheăng xúa kơmăi kơmok nôkố cho tơdroăng ki kân, rế thâ, rế ton xŏn. Ƀă Việt Nam, hlê plĕng nhên ‘na roh tơ’lêi ƀă pơkâ, Chin phuh hiăng hbrâ kâi trâng, hơ’lêh nếo vâ mơnhông mơdêk. Ahdrối, đi đo mơ-eăm vâ pơtối mơjiâng môi Chin phuh ai tŭm ivá pơkuâ mơnhông mơdêk tung rơxông pêi cheăng xúa kŏng ngê̆.

Tơdrêng amê, mâu râ, mâu kơvâ cheăng ƀă lâp pơlê pơla hiăng ai mâu tơdroăng hơ’lêh ing hlê plĕng troh pêi pro vâ xúa roh tơ’lêi hlâu ƀă kâi trâng ƀă pơloăng mơnúa dêi rơxông pêi cheăng xúa kŏng ngê̆.