Veăng leh mê ai rơpâu ngế hok tro, sinh viên,thái cô, khu ‘no liăn pêi cheăng, mâu ngế rơkê. Ngế pro xiâm hnê ngăn tơnêi têa tối hâk tơngăm drêng ai 42.000 tơdroăng tơkêa bro pơxiâm pêi cheăng  lo ing mâu hok tro, sinh viên, hên tơdroăng tơkêa bro hiăng khu mơdró kâ pêi cheăng tơƀrê, xúa kŏng ngê̆ tung pêi cheăng krúa, ‘na pơkeăng, pơ'lêh kơxô̆.

Ngế pro xiâm hnê ngăn tơnêi têa tối, loăng nhâ, kong kế pơxiâm pêi cheăng kal pêi ton hơnăm, kal thế pê klêi luât pơkâ, malối ‘na liăn ngân, xúa tuăn ngôa rơkê; rế hên kơxoô̆ liăn kum sinh viên ing liăn xiâm pơlê pơla. Ngế pro xiâm hnê ngăn tơnêi têa tơngah rơxông nếo - hok tro tung rơxông cheăng ƀă kơxô̆ - kô ‘no hnoăng cheăng xiâm tung mơnhông khoa hok kŏng ngê̆, pơ’lêh nếo hriăn plĕng ki nếo ƀă pơ’lêh kơxô̆ tơnêi têa, veăng gum  Việt Nam  mơnhông rĕng ƀă krá ton.