Xông tơpui a Leh tơbâ, pôa Phạm Minh Chính, Ngế pro xiâm hnê ngăn tơnêi têa rơrêk tung hiâm mơno veăng Leh tơbâ 120 hơnăm Hâi kot mâ pôa Phạm Văn Đồng – Ngế Kŏng san ki môi hiâm môi mơno, ngế hok tro rơkê, ngế Kŏng san achê, pú hmâ dêi Pôa Hồ Chí Minh, Kăn xiâm hnê ngăn Tơnêi têa hneăng apoăng – Ngế châ mâu kong têa lâp plâi tơnêi hâk vâ ƀă cho kăn pơkuâ ai hiâm mơno lĕm rơkê, ngế tơpui kâ khên tơnôu.

Ngế pro xiâm hnê ngăn tơnêi têa mơnhên, pôa Phạm Văn Đồng cho môi um méa eăng ‘na hiâm mơno kăch măng: Môi tuăn ƀă Đảng, ƀă tơnêi têa, lĕm ƀă kuăn pơlê; khên tơmiât khên pêi, khên pôu râng hnoăng cheăng; kơhnâ, tơdrăng lĕm, ai hiâm mơno lĕm, pêi cheăng kơhnâ rơkê; đi đo tơplâ mơdât mâu kăn ƀô̆ pêi cheăng ôh tá lĕm, kâ kơhveăm liăn ngân; đi đo tơmiât ki pơxúa dêi Tơnêi têa, dêi Kuăn pơlê ahdrối.

Ngế pro xiâm hnê ngăn tơnêi têa mơnhên tơdroăng khŏm mơ-eăm nhuô̆m ƀă mơnhông mâu ki kơnâ, tơmeăm ki kân xua pôa Phạm Văn Đồng chôu ‘măn ăm hâi kố ƀă la ngiâ, ăm tơdroăng mơjiâng tơnêi têa Việt Nam kro mơdrŏng rơdêi, mơnhông mơdêk rơkê, hơniâp lĕm, krá tơniăn to troăng hơlâ chuh ngiah xah hô̆i.