VOV4.Xơ Đăng - Kơxo lơ 4/8, a Hà Nội, Hngêi arak liăn Tơnêi têa Việt Nam tơkŭm po tơdroăng kal Pơ’lêh xúa kơmăi vi tĭnh tung pêi cheăng kơvâ Hngêi arak liăn. Pôa Phạm Minh Chính, Ngế pro xiâm hnê ngăn Chin phuh veăng ƀă xông tơpui hnê mơhno a tơdroăng kal. Xông tơpui a tơdroăng kal, pôa Phạm Minh Chính, Ngế pro xiâm hnê ngăn Chin phuh tối, pơ’lêh xúa kơmăi vi tĭnh tung kơvâ cheăng cho troăng ki thế pêi ƀă cho pơkâ pơklât ƀă pin.

Ngế pro xiâm hnê ngăn tơnêi têa veăng tơdroăng kal ‘’Pơ’lêh xúa kơmăi vi tĭnh tung pêi cheăng kơvâ hngêi arak liăn’’

Đảng, Tơnêi têa pin nhuô̆m khât ƀă ngăn kố cho môi tung mâu hnoăng cheăng ki xiâm má môi. Ngế pro xiâm hnê ngăn Chin phuh hiăng kĭ Tơdroăng pơ’lêh xúa kơmăi vi tĭnh tung tơdroăng cheăng tơnêi têa troh hơnăm 2025, mơnhên troăng prôk la ngiâ troh hơnăm 2030.

Ƀă tơdroăng pơ’lêh xúa kơmăi vi tĭnh tâi tâng tung mâu tơdroăng cheăng, veăng amê ai kuăn pơlê, khu tê mơdró ƀă tơnêi têa laga thế pêi pro tro tơdroăng; mê kơvâ Hngêi arak liăn tơkŭm tŭm mâu tơdroăng vâ prôk troăng ahdrối tung tơdroăng pêi mê.

Ngế pro xiâm hnê ngăn tơnêi têa pơkâ thăm pơtâng tối ‘na pơxúa dêi tơdroăng pơ’lêh xúa kơmăi vi tĭnh tung kơvâ hngêi arak liăn troh kuăn pơlê, khu tê mơdró, kum kuăn pơlê, khu tê mơdró hlê plĕng nhên ‘na ki pơxúa ƀă ki châ tơƀrê.

A Sa Ly tơplôu ƀă tơbleăng