VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh hiăng pơkuâ po rôh hôp ‘no tơdrêng ing troăng hyôh Internet ƀă 8 to tíu Peăng tơdế Tơnêi têa ƀă Tây Nguyên vâ mơnhên tối tơdroăng ki ‘mâi mơnhông ki tro tơ’nhiê ƀă séa ngăn mâu hnoăng cheăng hbrâ ví ƀă khía mơhot kân rôh má 4. Tơpui a rôh hôp, Ngế pro xiâm hnê ngăn tơnêi têa pơkâ thế, rĕng ‘mâi mơnhông kế tơmeăm klêi kơ’nâi khía mơhot pro, mơgrúa lĕm kong prâi, tơnêi tíu, troăng kơphô̆ vâ rĕng ‘mâi mơnhông tơdroăng cheăng ƀă rak tơniăn troăng prôk.

Ngế pro xiâm phŏ hnê ngăn pôa Phạm Minh Chính pơkuâ rôh hôp cheăng hbrâ ví khía mơhot kân rôh má 4

‘Mâi mơnhông troăng on tơhrik, troăng ki tơbleăng tơdroăng kal, têa krúa ôu kâ hum roh vâ rak tơniăn ăm tơdroăng rêh ối kuăn pơlê. Tŏng kum kuăn pơlê, malối cho mâu rơpŏng xơpá ‘mâi rơnêu hngêi trăng ki tro tơhnâp, tơtêa kuâ ƀă hên ki ê; ‘mâi rơnêu rĕng mâu kế tơmeăm hnoăng cheăng cho hngêi trung hriâm, hngêi pơkeăng pơlât ƀă hên ki ê, vâ rak tơniăn ăm hok tro vêh hriâm, tíu khăm pơlât ăm kuăn pơlê. ‘Mâi mơnhông tíu ki pêi chiâk deăng tro têa lân lu vâ rak tơniăn tŏng kum kế kâ, tơniăn tơdroăng rêh ối ăm kuăn pơlê tung la ngiâ.

VOV/Tơplôu: Katarina Nga