Tiô rơkong krếo thế dêi pôa Nguyễn Xuân Phúc, kăn xiâm hnê ngăn tơnêi têa, hâi lơ 20/10, pôa António Guterres, kăn xiâm chêh tơm xo rơkong khu lâp kong têa lăm pôu păng ‘nâng Việt Nam. Tung pơla hdrối nah, tơrŭm cheăng pơla Việt Nam ƀă Khu lâp kong têa ôh tá la lâi pơtê châ ‘mâi mơnhông ƀă mơdêk.

Pôa Nguyễn Xuân Phúc, kăn xiâm hnê ngăn tơnêi têa prếi Ngế xiâm chêh tơm xo rơkong khu lâp kong têa

Rôh lăm pôu kố klăng tơbâ 45 hơnăm việt Nam mot tơrŭm tung Khu lâp kong têa ƀă Việt Nam nếo pêi klêi rơkê hnoăng cheăng Ngế cheăng tung Hô̆i đong kring vế khu lâp kong têa, tơdrêng a mê hlối nếo châ pôk bro ngế cheăng tơrŭm Hô̆i Hnoăng pơkuâ Khu lâp kong têa hơnăm 2023 – 2025. Tiô tối hdrối tung rôh lăm pôu kố, Ngế xiâm chêh tơm xo rơkong khu lâp kong têa kô troh koh hmât pôa Nguyễn Phú Trọng, kăn xiâm pơkuâ ngăn Đảng, tơpui ƀă pôa Nguyễn Xuân Phúc, kăn xiâm hnê ngăn tơnêi têa, tơpui ƀă pôa Phạm Minh Chính, Ngế pro xiâm hnê ngăn Chin phuh ƀă pôa Vương Đình Huệ, kăn xiâm hnê ngăn Kuô̆k hô̆i.