VOV4.Xơ Đăng - Kơxê lơ 15/7, a pơlê kong kơdrâm Đà Lạt, pôa Nguyễn Chí Dũng, Ngế xiâm pơkuâ ƀă mơ’no liăn cheăng rơtế khu râ kăn pêi cheăng hiăng ai roh pêi cheăng ƀă kong pơlê Lâm Đồng. Roh pêi cheăng tơkŭm mơnhên tơdroăng châ tơƀrê 20 hơnăm pêi pro Pơkâ kơxô̆ 10 ƀă 10 hơnăm pêi pro Mơgêi kơxô̆ 12 dêi Khu xiâm kal kí a pơlê kong kơdrâm. Ing mê, ăm hlo, tơdroăng cheăng kâ dêi Lâm Đồng ai tơdroăng mơdêk ó rơdêi tá ‘na ƀăng pêi ƀă ki dâi lĕm. Kơlo tơtêk cheăng kâ tơdâng châ 10,4%; xo hnoăng liăn ngân Tơnêi têa sap ing 504 rơtal liăn a hơnăm 2002 tâk lối 11.000 rơtal liăn a hơnăm 2021; tâi tâng kơxô̆ liăn mơ’no cheăng lâp pơlê pơla dêi hơnăm 2021 châ 27.365 rơtal liăn, châ lối 19 xôh tâng pơchông ƀă hơnăm 2002.

Ngế xiâm pơkâ ƀă mơ’no liăn cheăng pôu pêi cheăng a Lâm Đồng

Rơtế amê, ivá tơbriât cheăng dêi tơdroăng cheăng kâ tâk rơdêi, hngêi trăng troăng klông, cheăng kâ – rêh ối pơlê pơla đi đo châ tơmâng mơ’no liăn pro kêi đeăng ƀă pơ’lêh nếo; pêi pro tơtro tơdroăng xăm kơklêa, kơdroh kơtiê, tơniăn tơdroăng rêh ối pơlê pơla; gâk kring kal kí ƀă tơniăn lâp pơlê pơla krá lĕm.

A Sa Ly tơplôu ƀă tơbleăng