VOV4.Xơ Đăng - Hlo tơdroăng ki ôh tá tơniăn dêi kong mê khía mơhot têa kân lân lu, Kŏng ti on tơhrik Dak Lak hiăng hbrâ rơnáu mâu túa pơkâ, hbrâ rơnáu hbrâ ví ƀă kong mêi khía mơhot têa kân lân lu. Kŏng ti hiăng mơjiâng 2 khu ki djâ troăng ahdrối tung hbrâ ví khía mơhot têa kân lân lu ƀă tí tăng tŏng xo mâu ngế hliăng tiâ ƀă lối 400 ngế.

Kŏng nhân rơnêu mâu tíu trăng, kơxái on tơhrik vâ kơdroh iâ tơdroăng ki trăng kơtong tơđôu a rơnó mê khía mơhot

Rơtế ƀă hnoăng cheăng pơkâ tơleăng mâu tơdroăng ki xía vâ tung kong pơlê Dak Lak, khu lêng hiăng hbrâ rơnáu lăm tŏng kum mâu kong pơlê pú drêng ai tơdroăng pơkâ thế tơdrêng. Mâu tíu pêi cheăng on tơhrik tung kong pơlê đi đo séa ngăn ‘mâi rơnêu mâu tíu ki hiăng tơ’nhiêdêi mâu trăng kơxái on tơhrik, xing xoăng nhên ăm rêm tôh, khu, mâu ngế krê séa ngăn ƀă pôu râng dêi hnoăng cheăng tơrêm to troăng kơxái, tíu krâ biến áp; rak tơniăn khât a mâu trăng ki tơkâ luâ têa kroăng, tơkâ luâ troăng prôk, trăng ki xŏn ƀă kân ƀă mâu tíu ki kal.

Tơdrêng a mê hlối trâ văng mâu nhâ loăng a trăng on tơhrik, mơdêk tơrŭm ƀă mâu kong pơlê pêi pro mâu tơdroăng ki tơbleăng hnê tối vâ kuăn pơlê rơtế hbrâ rơnáu rak vế tơniăn on tơhrik.

VOV Tây Nguyên/Tơplôu: Katarina Nga