VOV4.Xơ Đăng - Tung mâu hâi lơ 22 ƀă 23 khế 9, Kŏng ti ngăn on tơhrik Dak Lak tơrŭm ƀă mâu kơ koan tíu pêi cheăng kong pơlê hiăng tơkŭm po Leh pơcháu 2 toăng hngêi tuăn pâ ăm rơpŏng hngêi pôa Nguyễn Anh Huấn (ối a thôn 8 cheăm Ea Uy, tơring Krông Pač ƀă rơpŏng jâ H’Lam Niê, ối a ƀuôn Knul, cheăng Ea Bông, tơring Krông Ana. Rêm toăng hngêi xuân châ kơvâ ngăn on tơhrik veăng kum 50 rơtuh liăn, mâu tíu pêi cheăng kong pơlê ƀă rơpŏng hngêi châ mơhnhôk tơ’nôm vâ mơjiâng pro lĕm.

Pro hngêi ăm mâu kơtiê cho pôa Nguyễn Anh Huấn ƀă rơpŏng jâ H’Lam Niê

Tiah mê to lâi khế hdrối, Kŏng ti ngăn on tơhrik  Dak Lak hiăng mơjiâng pro 5 toăng hngêi tuăn pâ ăm mâu rơpŏng kơtiê xơpá, dêi tơdroăng diâp 70 toăng hngêi xua Khu xiâm pơkuâ ngăn on tơhrik kơpong tơdế tơnêi têa Tây Nguyên hơnăm 2022. Tiô ăm ‘nâi tơdroăng pêi pro tê mơdró, tâng riân rêm hơnăm, Khu ngăn on tơhrik Dak Lak ‘măn kơdĭng 1 rơtal liăn pêi pro mâu tơdroăng cheăng ‘na tŏng kum, kum mâu ngế kơtiê, pleăng mơheăm, pro on bâ eăng troăng pơlê ƀă hía hé.

Gương tơplôu ƀă tơbleăng