Kŏng ti on tơhrik Dak Lak tơrŭm rơtế Kan sat Hbrâ mnơdât, tơbâ on chếo kong pơlê Dak Lak nếo tơkŭm po roh hriâm troăng tơpâ on chếo, tŏng kum mơngế. Pro xah ôh tá xê khât a kơpong Hnôu ‘măn tơmeăm khoăng dêi PC Dak Lak a pơlê kong kơdrâm Ƀuôn Ma Thuột ai on chếo, tơ’lêi tro lup kân tâng ôh tá tơpâ on teăm tơdrêng.

Pơtâp tơdroăng tơvâ on ƀă tŏng kum mơngế a Hnôu ‘man tơmeăm khoăng dêi PC Dak Lak

Tơdrêng amê, kŏng nhân on tơhrik hiăng pêi pro tơdroăng xĕn kuăn pơlê, tơpâ on apoăng ƀă tối ăm Kan sat hbrâ tơpâ on chếo 114 tŏng kum.

Tŏng pơlât

Roh pơtâp kum hbrâ ăm khu tơpâ on chếo dêi on tơhrik Dak Lak mâu tơdroăng ‘nâi tơpâ on rơkê trâu hơhngế ƀă tŏng kum mơngế, xuân môi tiah tơdroăng xúa mâu tơmeăm kơmăi kơmok, rơxế, tơmeăm tơpâ on. Kố xuân cho tơdroăng pêi vâ mơdêk tơdroăng pêi cheăng tơrŭm, ‘nâi pêi tro tŭm tơdroăng pơla mâu khu cheăng drêng ai tơdroăng ki on chếo, pơtôu.