VOV4.XơĐăng - Kơxo lơ 20/7, a kong pơlê Vĩnh Phúc, Hô̆i đong tơpui kâ hôp roh má pŭn hneăng hơnăm 2021-2026. Pôa Nguyễn Xuân Thắng, Ngế cheăng tung khu xiâm kal kí, Kăn hnê ngăn Hô̆i đong tơpui kâ xiâm tơnêi têa, Ngế xiâm pơkuâ Hok viê̆n chính trị Kuô̆k ya Hồ Chí Minh pơkuâ rôh hôp. Rôh hôp tơpui tơno, veăng hnê tối a pái hlá mơ-éa tối tơbleăng hnê tối dêi Hô̆i đong, veăng ‘no hnoăng hbrâ rôh hôp dêi Tíu xiâm má 6 hneăng 13, ki vâ po a khế 10 la ngiâ, tá: mâu tơdroăng tơpui kâ ing 15 hơnăm pêi pro tiô pơkâ Xiâm tơnêi têa má 5 hneăng 10 ‘na pơtối pơ’lêh nếo troăng rơhlâ pơkuâ dêi Đảng ƀă mâu tơdroăng cheăng kal kí.

Mâu tơdroăng ‘na tơpui kâ ‘na mơjiâng ƀă pê klêi Tơnêi têa tro tio luât xah hô̆i chuh ngiah Việt Nam troh hơnăm 2030, troăng rơhlâ pêi troh hơnăm 2045; mâu tơdroăng ‘na tơpui kâ ƀă tơdroăng ai khât dêi troăng rơhlâ, luât pơkâ ‘na pơ’lêh cheăng ƀă kơmăi kơmok, tiô túa nếo dêi tơnêi têa troh hơnăm 2030, hvái ngăn troh hơnăm 2045.

Pôa Nguyễn Xuân Thắng pơkâ thế mâu kăn, mâu ki rơkê tơkŭm tơpui, veăng hnê tối a hlá mơ-éa chêh tơbleăng ƀă hlối ai hnoăng vâ pêi khât, xo ki mê pro xiâm ki kal vâ chêh klêi pái hlá mơ-éa tối tơbleăng pơtroh ăm Khu xiâm kal kí,  Kăn hnê ngăn Đảng teăm tơdrêng vâ châ tơbleăng a rôh Hôp Tíu xiâm má 6 hneăng 13.

Gương tơplôu ƀă tơbleăng