Phiu ro Hâi leh Mố đô̆i gak tơkăng kong tâi tâng kuăn pơlê a 16 to cheăm, bêng tíu tơkăng kong Dak Lak
Thứ ba, 11:00, 03/03/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Drêng troh tơbâ Hâi mơjiâng Mố đô̆i gak tíu tơkăng kong ƀă Hâi leh Mối đô̆i gak tơkăng kong tâi tâng kuăn pơlê lơ 3/3 , mê hâi lơ 2/3, Mố đô̆i gak tíu tơkăng kong dêi kong dêi kong pơlê Dak Lak tơkŭm pêi pro hên tơdroăng ai pơxúa a 16 to cheăm, bêng tíu tơkăng kong ƀă a tơnêi ‘lâng.
Đông lêng tơrŭm ƀă râ ủi, mâu kăn Măt trâ̆n tơnêi têa ƀă mâu khu grup pơcháu 10 toăng hngêi tuăn pâ kơnâ vâ chê 1 rơtal liăn ăm rơpŏng xơpá; diâp hnoăng liăn hriâm tung tơdroăng “têk chêng o hvêa prôk troh hngêi trung - kuăn păn roăng dêi đông Mố đô̆i tơkăng kong”; ăm 500 kơxu tơmeăm ăm rơpŏng kuăn pơlê, krâ pơlê, mơngế kuăn pơlê pâ nhoăm.
Rôh kố, tơdroăng hnê tối, tơbleăng ‘na luât châ mơdêk, malối cho tơdroăng ‘na tâ phĭu rah xo kăn Kuô̆k hô̆i hneăng 16 ƀă Hô̆i đong kuăn pơlê rêm râ, veăng mơdêk hlê plĕng, hnoăng cheăng pêi pro dêi kuăn pơlê tung kơpong tíu tơkăng kong.
Viết bình luận