Tơpui pơxiâm po rôh hôp, pôa Tô Lâm, Kăn xiâm pơkuâ hnê ngăn cheăng Đảng tối nhên, ki kal dêi Rôh hôp cho kal tơleăng mơnhên hên tơdroăng, pơrá cho mâu tơdroăng ki athế pêi, kal pêi tơdrêng, pôi tá hrá pêi. Tung mê, Rôh hôp kô tơpui ‘na Tơdroăng pêi cheăng tâi hneăng dêi Khu pơkuâ xiâm Đảng hneăng XIV; Túa pơkâ pêi cheăng dêi Khu pơkuâ xiâm Đảng, Khu xiâm cheăng kal kí, Khu pơkuâ ngăn Đảng; Túa pơkâ pêi pro tơdroăng pơkâ dêi Đảng; Túa pơkâ ‘na hnoăng cheăng lăm ngăn, séa ngăn, pơxâu hôu tung Đảng; Túa pơkâ cheăng kal kí, tuăn mơno pêi tung Đảng; Tơpui mơgêi mâu tơdroăng pơkâ ki kân dêi Tơnêi têa ‘na lăm ngăn, séa ngăn, ‘na hbrâ mdơât kâ kơluâ, pro mơhrê liăn ngân.

Klêi mê, séa ngăn tơdroăng cheăng ‘na ngế pêi cheăng dêi mâu kơ koan tơnêi têa pơla hơnăm 2026–2031; túa pơkâ liăn ngân mơnhông cheăng kâ rêh ối pơlê pơla 5 hơnăm 2026–2031; túa pơkâ liăn ngân tơnêi têa, túa pơkâ ‘no liăn pêi cheăng tơdjuôm krâ kơvâ hơnăm 2026–2031 ƀă mâu tơdroăng kal ki ê. Tiô tối hdrối rôh hôp pêi cheăng troh hâi lơ 27/3/2026.