Kơxo lơ 3/11, a pơlê kong xiâm Vientiane, kong têa Lếo, Khu xiâm pơkuâ ngăn lêng, Khu xiâm ngăn ‘na mơdró kâ Việt Nam tơrŭm ƀă Khu xiâm pơkuâ ngăn lêng, Khu xiâm ngăn ‘na tê mơdró dêi kong têa Lếo tơkŭm po Hneăng hôp mơđah tơbleăng kơchơ Việt Nam - Lếo pơxá “Koh hâk hơnăm nếo tơrŭm cheăng pơla Việt Nam - Lếo 2022’’.  Veăng  tơbleăng a kơchơ ai dâng 120 khu tơbleăng tê dêi vâ chê 90 tíu pêi cheăng, khu mơdró troh a Việt Nam, tung mê,  ai dâng 30 khu mơdró dêi lêng.

Thươ̆ng tươ̆ng Vũ Hải Sản, Ngế xiâm phŏ pơkuâ ngăn lêng Việt Nam tơbleăng a rôh po kơchơ

Tơdrêng amê, ai vâ chê 30 tíu tơbleăng tê dêi khu mơdró kong têa Lếo ƀă mâu khu mơdró kong têa ê. Po kơchơ mơđah tơbleăng tê tơmeăm cho môi tung mâu tơdroăng pêi pro kal kí, rêh ối pơlê pơla ki kân Koh hâk hơnăm tơrŭm môi tuăn, tơrŭm cheăng pơla Việt Nam - Lếo hơnăm 2022.

Mâu tơmeăm tơbleăng tê tơmeăm hmân ếo xâp dêi mâu lêng kong têa Lếo

Roh kố xuân cho rôh vâ mâu khu mơdró Việt Nam tối tơdjuôm ƀă khu mơdró dêi lêng Việt Nam tối krê ai rôh trâm tơpui tơno, tí tăng khu tơrŭm cheăng ki rơkê châ mơnhông tơ brê, po rơdâ tơrŭm cheăng tê mơdró ƀă mâu khu mơdró Lếo, khu mơdró lêng kong têa Lếo ƀă khu mơdró dêi mâu kong têa ASEAN ƀă hía hé.