VOV4.Xơ Đăng - Roh kố, Khu hnê mơhno tơnêi têa mơhnhôk pleăng mơheăm tơrŭm Khu lo tŏng veăng Việt Nam, Viện Huyết học – Truyền máu Trung ương hiăng tơkŭm po tơdroăng pơ-ô pơ-eăng 100 ngế pleăng mơheăm ki hên má môi lâp tơnêi têa hơnăm 2022 ƀă dó inâi ‘’Rơtuh plâi nuih, tơdjuôm hiâm kơtêi, pleăng mơheăm tŏng kum mơngế’’. Tung kơxô̆ 100 ngế pleăng mơheăm hên má môi châ pơ-ô pơ-eăng hơnăm kố, ai hên ngế hiăng pleăng sap ing 60 xôh tơngi klêng; mâu ngế djâ troăng ahdrối veăng pleăng mơheăm đi đo, pleăng mơheăm drêng kal thâ.

Tơdrêng amê hiăng thăm mơhnhôk hrĭng ngế veăng pleăng mơheăm. Jâ Bùi Thị Hòa, Kăn hnê ngăn Khu lo tŏng veăng Việt Nam, Kơ koan hnê mơhno má môi Khu hnê mơhno Tơnêi têa mơhnhôk pleăng mơheăm mơnhên: Cho khu ki xiâm, mâu kăn ƀô̆, khu ngế tơrŭm, mơngế pleăng hnoăng cheăng Khu lâp kong têa hiăng mơnhông mơdêk hiâm mơno hâk vâ pleăng, mơ-eăm, krá tơniăn tơrŭm ƀă kơvâ khăm pơlât, mâu khu cheăng, kơvâ cheăng, khu râ vâ pơtâng tối, mơhnhôk kuăn pơlê veăng pleăng mơheăm tơniăn.

A Sa Ly tơplôu ƀă tơbleăng