Hâi lơ 31/3, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa diâp pơkâ dêi Ngế pro xiâm hnê ngăn Chin phuh ‘na tơdroăng cheăng kăn ƀô̆. Tiah mê, pôa Bùi Thế Duy, Ngế cheăng tung tíu xiâm Đảng, Phŏ kăn hnê ngăn Viê̆n Hàn lâm Khoa hok ƀă Kong ngê̆ Việt Nam pro kăn pơkuâ Đại học Quốc gia Hà Nội. Diâp pơkâ ƀă diâp reăng ăm pôa Bùi Thế Duy, pôa Phạm Minh Chính, Ngế pro xiâm hnê ngăn tơnêi têa tối tiah kố: Tơdroăng ki Đảng, Tơnêi têa loi pơcháu pôa Phạm Thế Duy pro kăn pơkuâ Đại học Quốc gia Hà Nội kố cho tơdroăng hâk tơngăm kân, pâ thế hnoăng cheăng rơkê ƀa Đại học Quốc gia Hà Nội tung hneăng nếo.

Tơpui drêng xo dêi hnoăng cheăng, pôa Bùi Thế Duy tơhrâ ‘no tâi ivá, hiâm mơno ƀă ki rơkê ki hiăng ai sap ing hdrối, mơ-eăm khât, mơdêk hnoăng cheăng pôu râng, rak vế ivá khên tơnôu, djâ troăng ahdrối tung tơdroăng cheăng, rơtế ƀă tâi tâng mâu kăn pơkuâ ƀă tâi tâng kăn ƀô̆, giảng viên tơrŭm, pơhlêh nếo, pêi pro kơtăng, tơƀrê, ăm Đại học Quốc gia Hà Nội mơnhông tơxâng ƀă tơdroăng loi ƀă ngah dêi Đảng, dêi Tơnêi têa, dêi Chin phuh ƀă Ngế pro xiâm hnê ngăn Chin phuh vâ veăng gum ai pơxúa tung tơdroăng cheăng mơjiâng ƀă rak vế Tơnêi têa.