Kơxê kố, lơ 25/5, pôa Phạm Minh Chính, Ngế pro xiâm hnê ngăn tơnêi têa hiăng diâp Pơkâ dêi Kăn xiâm hnê ngăn tơnêi têa rah xo pôa Đặng Quốc Khánh to pro Ngế xiâm pơkuâ ngăn loăng pơlái kong kế ƀă kong prâi. Pôa Đặng Quốc Khánh kot mâ hơnăm 1976, a Hà Tĩnh; nah ai pro; Kăn pơkuâ Khu pơkuâ mơjiâng pro tơmeăm khoăng kong pơlê Hà Tĩnh, Kăn pơkuâ hnê ngăn cheăng Đảng tơring Nghi Xuân, Kăn phŏ hnê ngăn Vi ƀan kong pơlê Hà Tĩnh, Kăn hnê ngăn Vi ƀan kong pơlê Hà Tĩnh.

Sap khế 6/2019 troh nôkố, pôa Kăn xiâm pơkuâ hnê ngăn cheăng Đảng kong pơlê Hà Giang. Kơxê lơ 22/5, a Hneăng hôp má 5, Kuô̆k hô̆i hneăng má XV hiăng tơbleăng ăm pêi pro pơkâ kĭ rah xo pôa Đặng Quốc Khánh, Kăn pơkuâ hnê ngăn cheăng Đảng kong pơlê Hà Giang to pro Ngế xiâm pơkuâ loăng pơlái kong kế ƀă kong prâi hneăng hơnăm 2021 – 2026 teăng pôa Trần Hồng Hà, Ngế pro xiâm phŏ hnê ngăn tơnêi têa dế pôu râng hnoăng cheăng. Kơ’nâi mê, Kăn xiâm hnê ngăn tơnêi têa hiăng ai Pơkâ rah xo pôa Đặng Quốc Khánh, Ngế xiâm pơkuâ loăng pơlái kong kế ƀă kong prâi.