VOV4.Xơ Đăng - Tung tơdroăng pêi cheăng a pơlê kong kân Osaka dêi Nhuk, pôa Đào Ngọc Dung, Ngế xiâm ngăn cheăng pêi Mố đô̆i tro rong ƀă rêh ối pơlê pơla hiăng troh pêi cheăng ƀă Khu răk ngăn khăm pơlât Osaka, ai mâu rôh trâm mâ ƀă mâu kăn ƀă khu kăn tơdah mâu ngế hriâm cheăng akố. Hơnăm 2019, Ngế xiâm ngăn cheăng pêi Mố đô̆i tro rong ƀă rêh ối pơlê pơla hiăng pơcháu ăm Tíu xiâm ngăn mâu ngế pêi cheăng dêi kong têa ê kĭ tơhrâ tơrŭm cheăng ƀă Khu rak ngăn khăm pơlât Osaka dêi Nhuk.

Pôa Đào Ngọc Dung, Ngế xiâm rơtế ƀă mâu ki pêi cheăng lăm pêi cheăng ƀă Khu rak ngăn khăm pơlât ivá dêi Osaka

Kố cho tơdroăng pêi pro ôh ta ai pơxúa krê, kơxô̆ liăn ‘no iâ, luât pơkâ rah xo tơdâng tơ-‘mô, tơdrăng ôh tá kơtôa, mơngế pêi cheăng châ hriâm cheăng, hriâm tơpui nâl kong ê nhên hdrối, ai tơ-brê. Klêi 2 hơnăm tro tơdjak, tro pơtê xua pơreăng COVID-19, troh apoăng hơnăm 2022, 14 ngế ki hriâm pơtâp cheăng dêi Việt Nam ki apoăng hiăng châ pro hlá mơ-éa lăm pêi cheăng a Osaka.

Vâ hbrâ ăm mâu rôh tơdah mâu ngế hriâm lăm pơtâp cheăng tung la ngiâ, Khu ngăn khăm pơlât Osaka hiăng pê klêi tơdroăng mơjiâng tíu ăm ối pơtê pơxá inâi “Hà Nội’’. Pakĭng mê, Khu kố ối pro hên tíu xah hêi nếo vâ mâu ki hriâm pơtâp cheăng rĕng hmâ ƀă  túa rêh ối dêi mơngế Nhuk.

Gương tơplôu ƀă tơbleăng