Cheăm Ea Bung châ mơjiâng tiô tơdroăng tơ’mot tơdjuôm péa to cheăm ton, ai tơnêi rơdâ lối 390km2, lối 9.700 pơ’leăng mâ mơngế. Cheăm hiăng pêi cheăng ôh tá pơtê dêi mâu kăn kong pơlê 2 râ; kơxô̆ hồ sơ châ pê klêi tro hâi khế pơkâ ƀă hdrối hâi pơkâ kơpêng 99%. La cheăm kố dế kal tơ’nôm mơngế pêi cheăng, troăng prôk, rơchôa hiăng tơ'nhiê, pro pá tung pêi chiâk deăng ƀă rêh ối dêi kuăn pơlê, kơxô̆ rơpŏng kơtiê vâ chê kơtiê troh 35,4%.

A rôh pêi cheăng, pôa Hồ Quốc Dũng tối nhên, Ea Ƀung cho cheăm tơkăng kong, tơdroăng rêh ối cheăng kâ ối trâm hên xơpá, xua mê, kal kơjo kum liăn a hdrối vâ mơjiâng pro troăng prôk ƀă rơchôa. Phŏ Ngế pro xiâm hnê ngăn tơnêi têa pơkâ thế cheăm pơtối tăng ngăn nhên, xoăng mâu kăn pêi cheăng iâ mơngế la pêi tơƀrê; mơdêk pơ’lêh kơxô̆, ‘mâi hơ’lêh tơdroăng pro hlá mơ-éa, pro hlâu ăm kuăn pơlê; mơnhên mâu tơdroăng ki xiâm kơtiê vâ ai troăng hơlâ kơjo kum ăm kuăn pơlê.