Pôa Lê Hoài Trung, Ngế xiâm Tơpui kâ trâm mâ kuăn pơlê a Huế
Thứ hai, 13:57, 02/03/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Hâi lơ 1/3, pôa Lê Hoài Trung, Ngế xiâm tơpui kâ rơtế ƀă mâu kăn ki tơbriât to pro kăn Kuô̆k hô̆i Hneăng má XVI ối tung Tíu tâ phĭu kơxô̆ 4, Pơlê kong kơdrâm Huế hiăng ai roh trâm mâ kuăn pơlê a mâu cheăm Lộc An, Hưng Lộc, Nam Đông, Khe Tre ƀă Long Quảng.
A mâu roh trâm mâ, mâu kăn ki tơbriât to pro kăn teăng mâ Kuô̆k hô̆i hneăng má XVI tối tơdroăng pêi pro, tối nhên troăng la ngiâ ƀă tơkêa tâng châ kuăn pơlê rah xo. Mâu kăn ki tơbriât to pro kăn mơnhên tơdroăng pêi pro tơkŭm a mơnhông cheăng kâ – rêh ối pơlê pơla pơlê kong kơdrâm Huế ƀă rak vế ƀă mơnhông ki kơnâ tơmeăm mơhno khôi túa lĕm tro ki má môi; tơleăng mâu tơdroăng ‘na hngêi trăng troăng klông, rêh ối pơlê pơla, kơdroh kơtiê krá tơniăn; gum pêi pro ƀlêi trâng Tơdroăng pơkâ Hneăng hôp Đảng ƀô̆ Pơlê kong kơdrâm Huế roh má XVII, hneăng hơnăm 2025 – 2030.
Xông tơpui a ngiâ kuăn pơlê, pôa Lê Hoài Trung tối tơdroăng ki hâk drêng châ kuăn pơlê rah xo a pơlê xiâm dêi tơná ƀă tối rơdêi hnoăng dêi ngế kăn teăng mâ Kuô̆k hô̆i.
Viết bình luận