Tơpui mơgêi rôh hôp, Ngế pro xiâm hnê ngăn tơnêi têa tối nhên tơdroăng ki kal ai hngêi ối ăm mung nôkố gá hên, tung pơla tơdroăng ki tê hngêi, malối cho hngêi ối ăm mung ton hơnăm ƀă yă ăm mung tơtro, ƀă ối kal hên khât. Ƀă mâu kong pơlê ai hên kơpong tíu pêi cheăng ƀă kơmăi kơmok, ki pá ‘na tíu ối ăm mâu ngế pêi cheăng rế hía rế hên. Ngế pro xiâm hnê ngăn tơnêi têa pơkâ thế mơjiâng pro hngêi ối ăm mung athế tro ƀă túa pơkâ kơpong tíu pêi cheăng ƀă kơmăi kơmok, kơpong cheăng kâ, troăng prôk ƀă mâu kơpong kuăn pơlê rêh ối; mơnhên nhên tíu ối, túa pơkâ pro mâu kơpong mơjiâng pro.

Ngế pro xiâm hnê ngăn tơnêi têa xuân pơkâ thế mâu khu xiâm, kơvâ cheăng rĕng chêh pro klêi troăng hơlâ, ƀă mâu kong pơlê ki hbrâ rơnáu vâ tơbleăng ki ai khât, mơnhên tối, hlo mâu tơdroăng ôh tá tơƀrê pơla hdrối nah vâ pơtối chêh pro klêi troăng hơlâ tŏng gum ‘na hngêi ối ăm mung.