Tơpui mơgêi rôh pêi cheăng, Ngế pro xiâm hnê ngăn tơnêi têa tối tiah kố kơpong Tây Nam Bộ tối tơdjuôm ƀă Vĩnh Long tối krê xuân ối ai hên cheăng athế pêi vâ pêi châ pơkâ tâk tiô pơkâ mơ’no. Malối, kơlo tâk GRDP sap ing khế 1 troh khế 3/2026 dêi kong pơlê châ 5,3%, tá hâi châ tiô pơkâ hiăng chêh pro. Ngế pro xiâm hnê ngăn tơnêi têa pơkâ thế Vĩnh Long pơhlêh nếo túa tơmiât pêi, mơnhên túa túa pêi cheăng tâk nếo, môi tuăn hiâm mơno ƀă pêi pro, pơhlêh nếo túa pêi cheăng, mơdêk rơdêi tơ’mot ‘no liăn pêi cheăng tung cheăng ƀă kơmăi kơmok, tê mơdró ƀă hnê mâu ngế pêi cheăng rơkê.

Tiô Ngế pro xiâm hnê ngăn tơnêi têa, kong pơlê kal klâ nhên tơdroăng pơkâ pêi thăm mơnhông dêi rêm kơvâ cheăng môi tiah kơvâ pêi chiâk deăng, mơjiâng pro kế tơmeăm, tê mơdró ƀă pêi chiâk deăng; pơcháu hnoăng cheăng nhên ăm cheăm bêng, kơvâ cheăng, khu mơdró kâ hlối pơcháu liăn ngân vâ pêi.